ایران میں قیادت کی تبدیلی اور اسرائیل پر بڑا حملہ: عالمی منڈی میں خام تیل 100 ڈالر سے تجاوز کر گیا

مجتبیٰ خامنہ ای کی قیادت میں ایران کے اسرائیل پر نئے میزائل حملے جاری ہیں، عالمی منڈی میں خام تیل کی قیمت میں تیزی آگئی۔ ایرانی میڈیا کے مطابق آیت اللہ علی خامنہ ای کے صاحبزادے مجتبیٰ خامنہ ای کو ملک کا نیا رہبر اعلیٰ بنایا گیا ہے اور انکی قیادت میں اسرائیل کی طرف پہلا میزائل داغا گیا ہے۔ ایران کے سرکاری نشریاتی ادارے آئی آر آئی بی کے مطابق ملک نے اپنے نئے رہنما مجتبیٰ خامنہ‌ ای کی قیادت میں پہلی بار سرائیل کی جانب میزائل داغے ہیں۔ ٹیلیگرام پر پیغام میں آئی آر آئی بی نے میزائل کی تصویر بھی پوسٹ کی جس پر ’لبیک سید مجتبی‘۔ کا نعرہ درج تھا۔ دوسری جانب ایرانی پاسداران انقلاب نے چوبیس گھنٹوں کے دوران چار امریکی میزائل شکن دفاعی ریڈار تباہ کرنے کا دعویٰ کیا ہے۔غیر ملکی خبر رساں ادارے کے مطابق ایرانی حملے میں اسرائیل کے دارالحکومت تل ابیب میں کئی عمارتیں تباہ ہو گئیں۔ایرانی پاسداران انقلاب کا دعویٰ ہے کہ گزشتہ چوبیس گھنٹوں میں 4 امریکی میزائل شکن دفاعی ریڈار تباہ کیے گئے ہیں۔اس سے قبل ایرانی پاسداران انقلاب نے چوبیس گھنٹے کے دوران دو سو امریکی فوجی ہلاک اور زخمی کر نے کا دعویٰ کیا تھا۔ آپ کو بتاتے ہیں کہ دو ہزار بائیس کے بعد پہلی بار عالمی منڈی میں خام تیل کی قیمت سو ڈالر فی بیرل سے تجاوز کر چکی ہے۔ امریکہ اور اسرائیل کی ایران کے خلاف جنگ اور اس دوران آبی گزر گاہ آبنائے ہرمز پر رکاوٹوں کے سبب تیل کی قیمت میں مزید اضافے کا خدشہ ہے۔ ایشیا میں برینٹ کروڈ کی قیمت چوبیس فیصد اضافے کے ساتھ ایک سو چودہ اعشاریہ چوہتر فی بیرل رہی۔ آبی گزر گاہ آبنائے ہرمز کے ذریعے دنیا کے بیس فیصد تیل کی ترسیل ممکن ہو پاتی ہے۔ لیکن جنگ کی شروعات سے وہاں ٹینکر جمع ہو رہے ہیں۔ توانائی کی مصنوعات کے راستے میں اس بڑی رکاوٹ کے باعث یہ خدشہ پیدا ہو گیا ہے کہ دنیا بھر میں صارفین اور کاروباروں کے لیے قیمتیں بڑھ سکتی ہیں۔