امریکا نے مغربی ایشیا میں امن و سلامتی کو مسلسل نظر انداز کیا: اسماعیل بقائی

ایرانی وزارت خارجہ کے ترجمان اسماعیل بقائی نے کہا ہے کہ امریکا نے مغربی ایشیا میں امن و سلامتی کو مسلسل نظر انداز کیا ہے اور امریکی پالیسیاں خطے میں عدم استحکام کو ہوا دے رہی ہیں۔

انہوں نے فوجی اجلاسوں کو محض ایک نمائشی اقدام قرار دیتے ہوئے کہا کہ امریکا کا یہ طرزِ عمل بین الاقوامی قوانین کی کھلی خلاف ورزی ہے۔ حالیہ امریکی اور اسرائیلی اقدامات نے علاقائی امن و سلامتی کو شدید نقصان پہنچایا ہے۔

ترجمان ایرانی وزارت خارجہ نے زور دیا کہ خطے کے ممالک حالیہ امریکی و اسرائیلی حملوں سے سبق سیکھیں اور بیرونی مداخلت سے ہوشیار رہیں۔ انہوں نے واضح کیا کہ بیرونی طاقتیں خطے کے مفاد میں نہیں بلکہ اپنے مقاصد کے لیے کام کر رہی ہیں، اس لیے علاقائی ممالک کو متحد رہنے کی ضرورت ہے۔