عباس عراقچی کا 70 سے زائد ممالک کے نمائندوں کی ایران آمد پر اظہارِ مسرت

ایران کے وزیر خارجہ عباس عراقچی نے کہا ہے کہ وہ اس بات پر انتہائی خوش ہیں کہ دنیا کے 70 سے زائد ممالک کے اعلیٰ سطح کے نمائندوں نے ایران کے سپریم لیڈر آیت اللہ علی خامنہ ای کی الوداعی تقریبات اور آخری رسومات میں شرکت کر کے انہیں شاندار خراجِ عقیدت پیش کیا۔

سوشل میڈیا پلیٹ فارم ‘ایکس’ (سابقہ ٹوئٹر) پر جاری کردہ اپنے ایک خصوصی بیان میں ایرانی وزیر خارجہ عباس عراقچی کا کہنا تھا کہ یہ تاریخی یادگاری تقریب دوست عرب ممالک کے نمائندوں اور وفود کی بھرپور شرکت سے مزید اہمیت اختیار کر گئی ہے۔

عباس عراقچی نے دنیا بھر سے آنے والے مہمانوں کا شکریہ ادا کرتے ہوئے اپنے پیغام میں مزید کہا کہ دوست ممالک کا اس غم کے موقع پر اکٹھے ہونا خطے کے ممالک کے مشترکہ تعلقات اور سفارتی تاریخ میں ہمیشہ ایک سنہری باب کے طور پر یاد رکھا جائے گا