دھمکیوں اور پابندیوں سے اپنی مرضی مسلط کرنے کا دور ختم ہو رہا ہے، کاظم غریب آبادی

ایران کے نائب وزیرِ خارجہ کاظم غریب آبادی نے امریکی بیانات پر سخت ردِعمل دیتے ہوئے کہا ہے کہ دھمکیوں، دباؤ اور اقتصادی پابندیوں کے ذریعے دوسرے ممالک پر اپنی مرضی مسلط کرنے کا دور اب ہمیشہ کے لیے ختم ہو رہا ہے۔ اپنے ایک جاری کردہ بیان میں کاظم غریب آبادی نے واضح کیا کہ دنیا کی تمام آزاد اور خودمختار ریاستیں ایران کے ساتھ اپنے سفارتی و تجارتی تعلقات کے فیصلے صرف اپنے قومی مفادات اور ترجیحات کو مدِ نظر رکھ کر کرتی ہیں۔

ایرانی نائب وزیرِ خارجہ نے امریکہ کو آڑے ہاتھوں لیتے ہوئے کہا کہ دنیا کی آزاد قومیں اپنے اقتصادی و تجارتی روابط امریکی محکمہ خزانہ کے احکامات یا اشاروں پر طے نہیں کرتی رہیں۔ کاظم غریب آبادی کا یہ بیان امریکی وزیرِ خزانہ اسکاٹ بیسنٹ کے اس حالیہ دعوے کے جواب میں سامنے آیا ہے، جس میں امریکی وزیر نے کہا تھا کہ آنے والے چند ہفتوں میں ایران کے پاس بین الاقوامی مارکیٹ میں فروخت یا بارٹر کے لیے کچھ باقی نہیں رہے گا اور امریکہ دیگر ممالک کو ایران سے تجارتی روابط ختم کرنے پر راضی کرے گا