ایران کی کوہاٹ میں دہشت گرد حملے کی شدید مذمت، حکومت اورعوام سے تعزیت کا اظہار

ایران نے خیبر پختونخوا کے ضلع کوہاٹ میں ہونے والے دلخراش دہشت گردانہ حملے کی شدید الفاظ میں مذمت کرتے ہوئے پاکستان کی حکومت اور عوام سے دلی تعزیت و ہمدردی کا اظہار کیا ہے۔ ایرانی ترجمان دفترِ خارجہ نے اپنے ایک باضابطہ بیان میں معصوم شہریوں اور فورسز کے اہلکاروں کو نشانہ بنانے کے اس واقعے کو سفاکانہ اور انسانیت سوز عمل قرار دیتے ہوئے کہا کہ ایران ہر قسم کی دہشت گردی اور انتہا پسندی کی مذمت کرتا ہے۔

ایران کی جانب سے جاری کردہ بیان میں دھماکے کے نتیجے میں شہید ہونے والے افراد کے بلند درجات، سوگوار خاندانوں کے لیے صبرِ جمیل اور زخمیوں کی جلد و مکمل صحت یابی کے لیے دعا کی گئی۔ ایرانی حکام نے واضح کیا کہ خطے میں امن و امان کا قیام اور دہشت گردی کے ناسور کے خلاف مشترکہ جدوجہد انتہائی ضروری ہے، اور ایران اس مشکل وقت میں برادر اسلامی ملک پاکستان کے ساتھ مکمل یکجہتی کے ساتھ کھڑا ہے