علی خامنہ ای کی آخری رسومات کے موقع پر عام تعطیل اور یومِ سوگ کا اعلان

ایرانی حکومت نے ملک کے سابق سپریم لیڈر آیت اللہ علی خامنہ ای کی آخری رسومات کے موقع پر 6 جولائی کو ملک بھر میں عام تعطیل (پبلک ہالیڈے) کا اعلان کر دیا ہے۔

ایرانی حکومت کی ترجمان فاطمہ مہاجرانی نے میڈیا کو بتایا کہ اس تعطیل کا بنیادی مقصد سابق رہنما کی آخری رسومات میں شرکت کے لیے آنے والے لاکھوں سوگواروں کی دارالحکومت تہران سے اپنے اپنے شہروں کو واپسی کو آسان بنانا ہے۔ ترجمان کے مطابق، اس کے علاوہ جمعرات کے روز پورے ایران میں سرکاری سطح پر یومِ سوگ بھی منایا جائے گا، جبکہ علی خامنہ ای کی تدفین 8 جولائی کو مقدس شہر مشہد میں کی جائے گی۔

سرکاری شیڈول کے مطابق سابق سپریم لیڈر کی نمازِ جنازہ اور تدفین کی مختلف تقاریب 4 سے 8 جولائی کے درمیان تہران، قم اور مشہد میں منعقد ہوں گی۔ اس کے علاوہ عراق کے مقدس شہروں بغداد، کاظمین، کربلا اور نجف میں بھی تعزیتی تقریبات کا خصوصی اہتمام کیا جائے گا۔ یاد رہے کہ ایران کے سپریم لیڈر آیت اللہ علی خامنہ ای 28 فروری کو ایران پر ہونے والے ابتدائی امریکی حملے کے نتیجے میں شہید ہو گئے تھے۔