بانی پی ٹی آئی کے بچے نائیکوپ پر پاکستان آ سکتے ہیں، ویزے کی ضرورت نہیں,وفاقی وزیر اطلاعات

اسلام آباد: وفاقی وزیر اطلاعات عطا اللہ تارڑ نے جمائمہ گولڈ اسمتھ کے ٹویٹ کا جواب دیتے ہوئے کہا ہے کہ ماضی کی طرح اس بار بھی عمران خان کی عید کے دن بچوں سے فون پر بات کروائی جائے گی۔

وزیر اطلاعات نے وضاحت کی کہ عمران خان کے بچے نائیکوپ کے ذریعے پاکستان آ سکتے ہیں اور انہیں پاکستانی ویزے کی ضرورت نہیں ہے۔ انہوں نے کہا کہ بچوں کو پاکستان میں قیام کے دوران مکمل طور پر پاکستانی قوانین کی پاسداری کرنی ہوگی۔

جمائمہ گولڈ اسمتھ نے اپنے ٹویٹ میں عمران خان کے بیٹوں کے پاکستان آنے کے لیے ویزا درخواست میں تاخیر کے بارے میں تشویش ظاہر کی تھی۔