ٹی ٹوئنٹی ورلڈکپ،پاکستان کے بائیکاٹ کے باوجود بھارتی ٹیم سری لنکا جانے پر مجبور

بھارتی ٹی ٹوئنٹی یم کے کپتان سوریا کمار یادیو نے کہاہے کہ  ٹوئنٹی ورلڈکپ میں پاکستان کے بائیکاٹ کے باوجود بھارتی ٹیم روایتی حریف کے خلاف میچ کے لیے سری لنکا جائے گی۔

ٹی ٹوئنٹی ورلڈکپ کے گروپ اے میں پاکستان اور بھارت کا مقابلہ 15 فروری کو سری لنکا کے شہر میں کولمبو میں شیڈول ہے۔تاہم پاکستان نے بھارت کے خلاف میچ کے بائیکاٹ کا اعلان کیاہے۔

بھارتی کپتان سوریا کماریادیو نے ممبئی میں کپتانوں کی پری ٹورنامنٹ پریس کانفرنس میں کہاکہ ماری فلائٹ بک ہے اور ہم کولمبو جا رہے ہیں۔

بھارت کے خلاف میچ کا بائیکاٹ کرنے پر پاکستان کو اس میچ کے 2 پوائنٹس سے ہاتھ دھونا پڑے گا اور وہ 2 پوائنٹس بھارت کو مل جائیں گے۔

اگر بھارت کو پاکستان کے بائیکاٹ کی صورت میں 2 پوائنٹس حاصل کرنے ہیں تو ضروری ہے کہ بھارتی ٹیم آئی سی سی کے پروٹوکول کے مطابق میچ کے وینیو پر وقت پر موجود رہےاور میدان میں پاکستانی ٹیم کاانتظارکرے۔

بھارتی کرکٹ بورڈ کے ذرائع کے مطابق بھارتی ٹیم آئی سی سی پروٹوکو ل کو فالو کرے گی ،15 فروری کو سری لنکا میں شیڈول کے مطابق پریکٹس کرے گی، پریس کانفرنس کرے گی اور اسٹیڈیم وقت پر پہنچے گی۔

بھارتی میڈیا رپورٹ میں کہا گیا ہے کہ آئی سی سی قوانین کے مطابق میچ والے دن پاکستان کے میدان میں نہ ہونے پر بھارت ٹیم میچ ریفری کی جانب سے آفیشل طور پر میچ منسوخ کرنے کے فیصلے کا انتظار کرے گی۔اس کے بعد ہی بھارتی ٹیم 2 پوائنٹس حاصل کرسکے گی۔