بھارتی ایئرفورس کا ایک اور جنگی طیارہ حادثے کا شکار

بھارتی جنگی طیاروں اور ملٹری ٹرانسپورٹ طیاروں کے پے درپے گرنے کے واقعات نے عالمی سطح پر نئی دہلی کی دفاعی تیاریوں اور فضائی صلاحیتوں کا پول کھول دیا ہے۔ بھارت کے معروف اور معتبر جریدے ’انڈیا ٹوڈے‘ (India Today) کی رپورٹ کے مطابق، بھارتی ریاست آسام کے ضلع جوروہاٹ میں انڈین ایئر فورس کا ایک اور اہم طیارہ ‘اے این 32’ (AN-32) خوفناک حادثے کا شکار ہو گیا ہے۔

بھارتی ملٹری ذرائع اور دفاعی ماہرین کے حوالے سے سامنے آنے والی رپورٹ

ابتدائی اطلاعات کے مطابق، بھارتی فضائیہ کا یہ مال بردار اور عسکری طیارہ آسام کے جوروہاٹ ایئر بیس پر لینڈنگ کر رہا تھا کہ اچانک اس میں ہولناک آگ بھڑک اٹھی، جس نے پورے طیارے کو اپنی لپیٹ میں لے لیا۔ بھارتی فضائیہ (IAF) کے ترجمان نے بھی آفیشل بیان جاری کرتے ہوئے جنگی طیارے اے این 32 کے حادثے کا شکار ہونے کی باقاعدہ تصدیق کر دی ہے۔

انڈیا ٹوڈے کی رپورٹ نے بھارتی سیکیورٹی اسٹیبلشمنٹ کے لیے خطرے کی گھنٹی بجا دی ہے:”رپورٹ میں انکشاف کیا گیا ہے کہ رواں سال کے چند مہینوں کے دوران ہی بھارتی فضائیہ کے مجموعی طور پر 11 جدید جنگی طیارے اور ایک جدید ملٹری ہیلی کاپٹر گر کر تباہ ہو چکا ہے، جو کسی بھی ترقی یافتہ ملک کی فضائیہ کے لیے ایک ریکارڈ اور بدترین ناکامی ہے”۔

دفاعی اور عسکری امور کے عالمی ماہرین کے مطابق، ان پیاپے گرتے ہوئے کروڑوں ڈالرز کے طیاروں نے بھارت کی نام نہاد جنگی تیاریوں (Combat Readiness) اور خطے میں چودھراہٹ قائم کرنے کے غبارے سے ہوا نکال دی ہے۔

ماہرین نے بھارتی ایئر فورس کی موجودہ صورتحال کا تین اہم پہلوؤں سے جائزہ لیا ہےطیاروں کی ناقص مینٹیننس اور پرانے پرزوں کے استعمال کے باعث انجن فیل ہونے اور آگ لگنے کے واقعات میں روز بروز اضافہ ہو رہا ہے۔چینی اور پاکستانی سرحدوں پر فضائی دباؤ کے باعث بھارتی پائلٹس اور گراؤنڈ کریو شدید دباؤ اور بوکھلاہٹ کا شکار نظر آتے ہیں۔ عسکری خریداریوں اور اسپیئر پارٹس کے ٹھیکوں میں ہونے والی بے ضابطگیوں نے انڈین ایئر فورس کو اندرونی طور پر کھوکھلا کر دیا ہے، جس کا نقصان ان کے قیمتی طیاروں اور فضائی ساکھ کو اٹھانا پڑ رہا ہے۔