اڈیالہ جیل: عمران خان مکمل طور پر صحت مند، افواہیں بے بنیاد

راولپنڈی: اڈیالہ جیل حکام نے بانی پاکستان تحریک انصاف (پی ٹی آئی) عمران خان کی صحت سے متعلق افواہوں کی تردید کردی۔ جیل حکام کے مطابق عمران خان اڈیالہ جیل میں مکمل طور پر صحت مند ہیں اور ان کا مکمل خیال رکھا جا رہا ہے۔

اڈیالہ جیل کے بیان میں واضح کیا گیا کہ سوشل میڈیا پر بانی پی ٹی آئی کو جیل سے منتقل کرنے کی خبریں بالکل بے بنیاد ہیں۔ افواہوں میں کسی قسم کی صداقت نہیں، اور عمران خان اڈیالہ جیل میں موجود ہیں اور صحت یاب ہیں۔

جیل حکام نے مزید کہا کہ بانی پی ٹی آئی کی صحت اور حفاظتی انتظامات کو یقینی بنانے کے لیے ہر ممکن اقدامات کیے جا رہے ہیں تاکہ وہ محفوظ اور صحت مند رہیں۔