آئی ایم ایف کا یوکرین کو معاشی استحکام برقرار رکھنے کیلئے فنڈنگ کا فیصلہ

بین الاقوامی مالیاتی فنڈ (IMF) نے یوکرین کو آئندہ مالی سال کے دوران معاشی استحکام برقرار رکھنے اور ممکنہ مالیاتی بحران سے بچنے کے لیے درکار فنڈنگ کی فراہمی کا فیصلہ کیا ہے۔ برطانوی خبر رساں ایجنسی کے مطابق، یوکرینی صدر وولودیپیر زیلنسکی نے آئی ایم ایف کی سربراہ کرسٹالینا جارجیوا سے اہم ملاقات کے بعد تصدیق کی ہے کہ عالمی مالیاتی فنڈ آئندہ مالی سال میں یوکرین کی تمام بنیادی مالی ضروریات پوری کرنے کے لیے بھرپور معاونت فراہم کرے گا۔

روس کے ساتھ جاری جنگ کے پانچویں سال میں داخل ہونے پر یوکرین کو 2026 اور 2027 کے لیے ضروری مالی وسائل کا حصول ایک بڑا چیلنج بنا ہوا ہے۔ یوکرینی حکام کے مطابق، ملک کو آئندہ سال اپنے انتظامی و معاشی نظام کو چلانے کے لیے تقریباً 52 ارب 60 کروڑ ڈالر کی بین الاقوامی مالی امداد درکار ہے۔ صدر زیلنسکی نے زور دیا کہ روس نہ صرف انسانی زندگیوں کو نشانہ بنا رہا ہے بلکہ یوکرین کے کاروباری اور ریاستی فریم ورک کو بھی مفلوج کرنے کی کوشش کر رہا ہے۔ اس تناظر میں آئی ایم ایف کی جانب سے ملنے والی میکرو فنانشل معاونت یوکرین کے وجود اور معاشی پائیداری کے لیے کلیدی اہمیت رکھتی ہے۔