آئی ایم ایف ایگزیکٹو بورڈ 1.2 ارب ڈالر قرض قسط کی آج منظوری دے گا

وزارت خزانہ کے مطابق واشنگٹن میں ہونے والے آئی ایم ایف ایگزیکٹو بورڈ کے اجلاس میں پاکستان کے کیس کا تفصیلی جائزہ لیا جائے گا۔ یہ قسط ای ایف ایف (EFF) اور آر ایس ایف (RSF) پروگرامز کے تحت فراہم کی جائے گی، جس میں سے 1 ارب ڈالر تیسری جائزہ رپورٹ کی کامیابی اور 210 ملین ڈالر آر ایس ایف کے دوسرے جائزے کی بنیاد پر ملیں گے۔ وزیر خزانہ محمد اورنگزیب نے اعتماد ظاہر کیا ہے کہ پاکستان نے تمام پیشگی شرائط اور اقدامات مکمل کر لیے ہیں، جس کی روشنی میں بورڈ قرض کی حتمی منظوری دے گا۔