آئی ایم ایف کا پاکستان کے دوسرے جائزے کی تکمیل کا اعلان، 1.2ارب ڈالر کی فوری قسط جاری
Web Desk
11 December 2025
انٹرنیشنل مانیٹری فنڈ (آئی ایم ایف) نے پاکستان کے ساتھ ایکسٹینڈڈ فنڈ فسیلٹی (EFF) کے دوسرے جائزے کی تکمیل اور ریزیلیئنس اینڈ سسٹین ایبلٹی فسیلٹی (RSF) کے پہلے جائزے کی منظوری دے دی ہے۔ آئی ایم ایف کے مطابق پاکستان کو ای ایف ایف کے تحت 1 ارب ڈالر اور آر ایس ایف کے تحت 20 کروڑ ڈالر کی فوری قسط جاری کردی گئی ہے، جس کے بعد دونوں سہولتوں کے تحت مجموعی ادائیگیاں 3.3 ارب ڈالر تک پہنچ گئی ہیں۔
رپورٹ کے مطابق سخت معاشی حالات اور حالیہ سیلاب کے باوجود پاکستان کی اصلاحاتی کارکردگی بہتر رہی۔ مالی سال 2025 میں پاکستان نے 1.3 فیصد پرائمری سرپلس حاصل کیا جبکہ زرمبادلہ کے ذخائر 14.5 ارب ڈالر تک بڑھ گئے۔
آئی ایم ایف نے کہا کہ افراطِ زر میں سیلاب کے باعث اضافہ عارضی ہے، تاہم پاکستان کو مستحکم مالی و معاشی پالیسیوں کا تسلسل برقرار رکھنا ہوگا۔ ٹیکس بیس کی توسیع، ٹیکس نظام کی بہتری، ڈیٹا و گورننس میں اصلاحات، ایس او ایز اور توانائی شعبے میں ڈھانچہ جاتی تبدیلیاں ناگزیر قرار دی گئی ہیں۔
رپورٹ میں کہا گیا کہ پاور ٹیرف ایڈجسٹمنٹ سے گردشی قرض میں کمی ممکن ہے جبکہ توانائی شعبے کی کارکردگی بہتر بنانا پاکستان کی مسابقت کے لیے ضروری ہے۔ آئی ایم ایف نے سخت مانیٹری پالیسی برقرار رکھنے اور فاریکس مارکیٹ میں شفافیت و لچک بڑھانے پر زور دیا۔
مزید کہا گیا کہ سیلاب نے پاکستان کے لیے موسمیاتی اصلاحات، پانی کے بہتر استعمال اور قدرتی آفات کی تیاری کی ضرورت کو نمایاں کیا ہے۔ آئی ایم ایف کے مطابق پاکستان کی معیشت میں نجی شعبے کی قیادت میں پائیدار نمو انتہائی اہمیت رکھتی ہے۔
متعلقہ عنوانات
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026