امریکا میں دو پاکستانی نژاد بھائیوں پر 300 ملین ڈالر ہیلتھ کیئر فراڈ اور منی لانڈرنگ کے الزامات

امریکا میں Illinois سے تعلق رکھنے والے دو بھائیوں پر ہیلتھ کیئر فراڈ اور منی لانڈرنگ کے اضافی الزامات عائد کردیے گئے۔
فیڈرل سپرسیڈنگ انڈائٹمنٹ کے مطابق ملزمان نے Medicare، Medicaid اور پرائیویٹ انشوررز کو تقریباً 293 ملین ڈالر کے جعلی COVID-19 ٹیسٹ کلیمز جمع کرائے، جن میں سے تقریباً 65 ملین ڈالر کی رقم وصول بھی کی گئی۔

امریکی محکمہ انصاف کے مطابق دونوں ملزمان نے Illinois اور California میں قائم چار لیبارٹریز کے ذریعے یہ اسکیم چلائی۔ انکشاف ہوا کہ مبینہ فراڈ سے حاصل رقم عقبی ٹرانزیکشنز کے ذریعے گھمائی گئی اور اوورسیز لگژری رئیل اسٹیٹ، گولڈ بارز، مہنگی گھڑیاں اور گاڑیاں خریدنے پر خرچ ہوئی۔

دونوں ملزمان پر چھ الزامات ہیلتھ کیئر فراڈ اور ایک منی لانڈرنگ سازش کا مقدمہ ہے۔ سزا ثابت ہونے پر ہر ہیلتھ فراڈ چارج پر 10 سال اور منی لانڈرنگ چارج پر 20 سال تک قید ہوسکتی ہے۔ FBI اور HHS-OIG مقدمے کی مزید تفتیش کر رہے ہیں۔