LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار یمنی حکومتی فورسز کا باب المندب کے علاقے سے انخلا کا اعلان غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم پاکستان سٹاک مارکیٹ میں کاروبار کا مثبت رحجان ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع ڈسپلن کی خلاف ورزی اور ناقص کارکردگی، عماد بٹ اذلان شاہ ہاکی ٹورنامنٹ سے باہر جنوبی کوریا میں اے آئی کے ذریعے امتحان میں نقل کرنے والا ٹاپر پکڑا گیا ٹرمپ کی قدامت پسند ججوں کی تقرری کی کوششوں کو ریپبلکن سینیٹرز کی مخالفت کا سامنا امریکا میں فضائی آپریشن تیسرے روز بھی متاثر، 5 ہزار زائد پروازیں منسوخ یا تاخیر کا شکار مقبوضہ مغربی کنارے میں اسرائیلی فوج کے چھاپے، 2 فلسطینی بھائی گرفتار، 4 افراد زخمی مکہ اور مدینہ کی جانب بھیجے گئے حوثیوں کے 3 ڈرونز تباہ کر دیے، ترکی المالکی ابوظہبی: بچوں میں کاروباری و تخلیقی صلاحیتیں اجاگر کرنے والا ہوامیر فریجنا فیسٹیول اختتام پذیر ورلڈ پولیس سمٹ 2026ء، پنجاب سیف سٹیز اتھارٹی کے سربراہ 2 اہم سیشنز سے خطاب کریں گ

پلاٹ منسوخی کیس: عدالت کی چیئرمین سی ڈی اے کو معاملہ حل کرنے کی ہدایت

Web Desk

16 September 2026

اسلام آباد ہائیکورٹ کے جسٹس انعام امین منہاس کی عدالت نے کیپٹل ڈیولپمنٹ اتھارٹی (CDA) کی جانب سے 60 سال قبل ایکوائر کی گئی زمین کا متبادل پلاٹ الاٹ کر کے منسوخ کرنے سے متعلق کیس کی سماعت کی۔ عدالت نے بزرگ شہری محمد مرتضیٰ کی درخواست پر سماعت کے دوران چیئرمین سی ڈی اے کے عدم پیشی پر سخت برہمی کا اظہار کیا اور کیس کا معاملہ فوری حل کرنے کی سخت ہدایت جاری کی۔ درخواست گزار کی جانب سے بیرسٹر عادل عزیز قاضی عدالت میں پیش ہوئے۔

سماعت کے آغاز میں چیئرمین سی ڈی اے کی جگہ ممبر اسٹیٹ کے عدالت پہنچنے پر فاضل جج نے برہمی ظاہر کرتے ہوئے کہا کہ جب چیئرمین کو ذاتی حیثیت میں طلب کیا گیا تھا تو وہ کیوں پیش نہیں ہوئے۔ جسٹس انعام امین منہاس نے ریمارکس دیے کہ چیئرمین جہاں بھی ہوں فوری عدالت پہنچیں، ورنہ عدالت کو بلانا آتا ہے۔ بعد ازاں عدالت کی جانب سے وقفے کے بعد دوبارہ سماعت شروع ہوئی تو چیئرمین سی ڈی اے سہیل اشرف ذاتی حیثیت میں پیش ہوئے اور سیکیورٹی میٹنگ کے باعث تاخیر پر معذرت پیش کی۔

جسٹس انعام امین منہاس نے شدید برہمی کا اظہار کرتے ہوئے کہا کہ یہ 1966ء کا کیس ہے، متاثرین کا احترام کیا جائے اور انہیں معاوضہ پہلے فراہم کیا جائے۔ انہوں نے کہا کہ مسجدِ نبویؐ کی تعمیر کے موقع پر بھی نبی کریم ﷺ نے متاثرہ شخص کو معاوضہ ملنے تک کام روکا تھا، تو کیا سی ڈی اے کے سیکٹرز مسجدِ نبویؐ سے زیادہ اہم ہیں؟ چیئرمین سی ڈی اے سہیل اشرف نے عدالت کو یقین دہانی کرائی کہ متاثرہ شہری کا معاملہ ترجیحی بنیادوں پر فوری حل کیا جائے گا۔ جس پر عدالت نے کیس کی سماعت اگلے ہفتے تک ملتوی کر دی۔