اسرائیلی فوج کا اسماعیل ہنیہ کے بھتیجے کو شہید کرنے کا دعویٰ

اسرائیلی دفاعی فورسز (آئی ڈی ایف) نے فلسطینی مزاحمتی تنظیم حماس کے پولیٹ بیورو کے سابق سربراہ اسماعیل ہنیہ کے بھتیجے کو شہید کرنے کا دعویٰ کیا ہے۔

 رپورٹ کے مطابق، آئی ڈی ایف کی جانب سے جاری کردہ ایک باضابطہ بیان میں کہا گیا ہے کہ 7 اکتوبر 2023 کو اسرائیل پر ہونے والے حملے میں ملوث حماس کے اہم رکن اور اسماعیل ہنیہ کے بھتیجے کو جمعرات کے روز غرقابِ غزہ پٹی پر ایک فضائی حملے کے دوران نشانہ بنایا گیا۔ اسرائیلی فوج کے بیان میں دعویٰ کیا گیا ہے کہ نشانہ بنائے گئے حماس رکن کی شناخت ولید ہنیہ کے نام سے ہوئی ہے، جو مزاحمتی تنظیم کے عسکری ونگ میں ‘نخبہ’ (Nukhba) فورس کا ڈپٹی کمانڈر تھا۔ آئی ڈی ایف نے مزید موقف اختیار کیا ہے کہ ولید ہنیہ نے 7 اکتوبر کو اسرائیلی حدود میں داخل ہونے والے حماس کے مزاحمت کاروں کی کمانڈ کی تھی، اور وہ اس حیثیت سے اپنے سیل کو آپریشنل ہدایات فراہم کرنے اور ان کی رہنمائی کرنے میں براہِ راست ملوث تھا۔