مدد پہنچنے والی ہے، ملکی اداروں کا کنٹرول سنبھال لو؛ ٹرمپ کا ایران کے مظاہرین کو پیغام

امریکی صدر ڈونلڈ ٹرمپ نے ایران میں جاری حکومت مخالف احتجاجات کے دوران پہلی بار ایرانی عوام کے نام براہِ راست پیغام جاری کر دیا ہے۔

عالمی خبر رساں ادارے کے مطابق صدر ٹرمپ نے یہ پیغام اپنے سوشل میڈیا پلیٹ فارم ’’ٹروتھ سوشل‘‘ پر جاری کیا۔

صدر ٹرمپ نے اپنے بیان میں کہا کہ
’’ایران کے محبِ وطن شہریو! احتجاج جاری رکھو، ملکی اداروں کا کنٹرول سنبھالو، مدد راستے میں ہے۔‘‘

انہوں نے مزید کہا کہ
’’قاتلوں اور ظلم کرنے والوں کے نام محفوظ رکھے جا رہے ہیں، انہیں جلد اپنے جرائم کی بھاری قیمت چکانا پڑے گی۔‘‘

صدر ٹرمپ نے اسی بیان میں اعلان کیا کہ ایرانی حکام کے ساتھ ہونے والے تمام مذاکراتی اجلاس منسوخ کر دیے گئے ہیں اور یہ مذاکرات اس وقت تک بحال نہیں ہوں گے جب تک ایرانی حکومت مظاہرین کے قتلِ عام کو بند نہیں کرتی۔

یہ بیان ایسے وقت سامنے آیا ہے جب ایران کے مختلف شہروں میں حکومت مخالف مظاہرے شدت اختیار کر چکے ہیں۔