ٹانک میں امن کمیٹی دفتر کے قریب زور دار دھماکا،فائرنگ

انک — محلہ سول لائن میں پرانے تبلیغی مرکز کے ساتھ قائم امن کمیٹی دفتر کے قریب گزشتہ روز زور دار دھماکا ہوا جس کے فوراً بعد اندھا دھند فائرنگ کی آوازیں سنائی دیں۔ پولیس کے مطابق دھماکا اس قدر شدید تھا کہ قریبی گھروں کے در و دیوار لرز اٹھے اور متعدد گھروں کے شیشے ٹوٹ گئے، جبکہ علاقے میں سخت خوف و ہراس پھیل گیا۔

دھماکے کی اطلاع ملتے ہی پولیس اور ریسکیو ٹیمیں جائے وقوعہ کی طرف روانہ ہو گئیں۔ سیکورٹی فورسز کو بھی طلب کر کے علاقے کا گھیرا تنگ کر دیا گیا ہے۔ تاحال جانی نقصان سے متعلق کوئی مصدقہ اطلاع موصول نہیں ہوئی، تاہم پولیس واقعے کی نوعیت اور محرکات کا تعین کرنے کے لیے تفتیش جاری رکھے ہوئے ہے