مکہ الائنس مثبت اور بہترین انداز میں آگے بڑھ رہا ہے: ترکیہ

ترکیے کے وزیرِ خارجہ حقان فیدان نے کہا ہے کہ پاکستان، سعودی عرب اور ترکیے کے درمیان قائم ہونے والا ‘مکہ الائنس’ (Makkah Alliance) انتہائی مثبت اور بہترین انداز میں پیشرفت کر رہا ہے۔ ان کے مطابق، اس سہ فریقی اتحاد کے تحت مشترکہ عسکری ہیڈکوارٹرز کو فعال بنانے کا عمل آخری مراحل میں داخل ہو چکا ہے اور طے شدہ معاہدے کے تحت آپریشنل ہیڈکوارٹرز کے لیے عملے اور اعلیٰ فوجی حکام کی تعیناتی جلد مکمل کر دی جائے گی۔

ترکیے کے وزیرِ خارجہ نے اپنے بیان میں اس بات کا اعادہ کیا کہ پاکستان، سعودی عرب اور ترکیے کی اعلیٰ قیادت دفاعی و سیکورٹی معاہدے کو عملی جامہ پہنانے اور دفاعی پیداوار و انٹیلی جنس شیئرنگ میں تعاون کے فروغ کے لیے مکمل طور پر پرعزم ہیں۔ انہوں نے زور دیا کہ مکہ الائنس نہ صرف تینوں اسلامی ممالک کے باہمی دفاعی تعلقات کو نئی بلندیوں پر لے جائے گا بلکہ یہ خطے میں پائیدار امن، استکام اور مشترکہ دفاعی صلاحیتوں کو مضبوط بنانے میں بھی کلیدی کردار ادا کرے گا۔