حجاج کے تحفظ کیلئے جامع دفاعی انتظامات مکمل، مقدس مقامات کی فضائی نگرانی سخت

سعودی وزارتِ دفاع نے کہا ہے کہ حجاج کرام کے تحفظ اور سیکیورٹی کو یقینی بنانے کیلئے جامع دفاعی انتظامات مکمل کر لیے گئے ہیں، جبکہ حج کے دوران مقدس مقامات کی فضائی نگرانی مزید سخت کر دی گئی ہے۔

عرب ذرائع ابلاغ کے مطابق سعودی حکام کا کہنا ہے کہ مسجد الحرام کے اطراف مضبوط فضائی حصار قائم کر دیا گیا ہے، جبکہ منیٰ، مزدلفہ اور میدان عرفات کے گرد بھی کڑی فضائی نگرانی کی جا رہی ہے تاکہ حجاج کو ہر ممکن تحفظ فراہم کیا جا سکے۔

سعودی وزارتِ دفاع کی جانب سے دفاعی نظام کی تنصیب کی ویڈیو بھی جاری کی گئی ہے، جس میں فضائی دفاعی نظام کو فعال انداز میں کام کرتے دیکھا جا سکتا ہے۔

حکام کے مطابق حجاج کی سیکیورٹی کیلئے غیر معمولی اقدامات کیے گئے ہیں اور سعودی فضائی دفاعی فورسز مقدس مقامات کے فضائی تحفظ کیلئے مکمل طور پر متحرک ہیں۔

سعودی وزارتِ دفاع کا مزید کہنا ہے کہ فضائی سیکیورٹی کا نظام مکمل طور پر فعال ہے اور حج کے دوران ہر قسم کے ممکنہ خطرات پر مسلسل نظر رکھی جا رہی ہے۔