لاکھوں حجاج کرام کی جمرہ کبریٰ کی رمی کے بعد قربانی، حج کے اہم ارکان مکمل

مکہ مکرمہ: سعودی عرب میں لاکھوں حجاج کرام نے جمرہ کبریٰ کی رمی کے بعد سنتِ ابراہیمی کی پیروی کرتے ہوئے قربانی کا فریضہ بھی ادا کر دیا، جس کے ساتھ حج کے اہم ارکان مکمل ہوگئے۔
غیر ملکی میڈیا رپورٹس کے مطابق حجاج کرام نے منظم شیڈول کے تحت قافلوں کی صورت میں جمرات پہنچ کر بڑے شیطان کی رمی کی۔ رمی کے بعد عازمین نے قربانی کا عمل مکمل کیا۔
قربانی کی ادائیگی کے بعد مرد حجاج نے سر منڈوا کر جبکہ خواتین نے بال کٹوا کر احرام کھول دیا، جس کے بعد حج کے اہم مناسک مکمل قرار پائے۔
حج انتظامیہ کی جانب سے رمی کے دوران سیکیورٹی اور نظم و ضبط کے خصوصی انتظامات کیے گئے تاکہ لاکھوں عازمین کو سہولت فراہم کی جا سکے