LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل

ہمارا کوئی ایجنڈا نہیں، اللہ نے چاہا تو آزاد کشمیر میں ثالثی کا راستہ نکلے گا: حافظ نعیم الرحمان

Web Desk

6 July 2026

امیر جماعت اسلامی پاکستان حافظ نعیم الرحمان نے آزاد کشمیر کی موجودہ کشیدہ سیاسی صورتحال پر گہری تشویش کا اظہار کرتے ہوئے کہا ہے کہ جماعت اسلامی اس بحران کو حل کرنے کے لیے ثالثی کا کردار ادا کرنے کی خواہاں ہے اور اس سلسلے میں ہماری مخلصانہ کوششیں مسلسل جاری ہیں۔

میڈیا سے گفتگو کرتے ہوئے حافظ نعیم الرحمان کا کہنا تھا کہ جماعت اسلامی کا اس معاملے میں کوئی ذاتی یا سیاسی ایجنڈا نہیں ہے۔ انہوں نے امید ظاہر کی کہ اگر اللہ نے چاہا تو مذاکرات اور ثالثی کے ذریعے کوئی نہ کوئی مثبت اور پرامن راستہ ضرور نکل آئے گا۔ ان کا کہنا تھا کہ اگر حکومت اور متعلقہ فریقین سنجیدگی سے مذاکرات کی میز پر بیٹھیں تو مظاہرین کو بھی سمجھایا جا سکتا ہے اور تمام معاملات کو خوش اسلوبی سے حل کیا جا سکتا ہے۔

 امیر جماعت اسلامی نے دھرنوں اور احتجاج کے حوالے سے بات کرتے ہوئے واضح کیا کہ عوامی غصے کا اظہار کسی صورت پاکستان کے خلاف نہیں ہونا چاہیے، بلکہ اصل ضرورت اس نظام میں موجود خرابیوں کو دور کرنے کی ہے۔ انہوں نے حکومتی وزراء کے غیر ذمہ دارانہ رویے پر تنقید کرتے ہوئے کہا کہ یہ بالکل مناسب نہیں کہ کوئی وزیر یہ دعویٰ کرے کہ “دس نشستیں تو میری جیب میں پڑی ہیں”۔ ایسے تکبرانہ بیانات سیاسی ماحول کو مصلحت پسندی کے بجائے مزید خراب کرتے ہیں۔

حافظ نعیم الرحمان نے حل کی تجویز پیش کرتے ہوئے کہا کہ آزاد کشمیر میں بارہ نشستوں کے معاملے پر بات چیت کے ذریعے واضح پیش رفت ممکن ہے۔ انہوں نے یقین دلایا کہ یہ کوئی ایسا پیچیدہ یا لاینحل مسئلہ نہیں ہے جس پر جوائنٹ ایکشن کمیٹی کی قیادت کو مذاکرات کے ذریعے قائل نہ کیا جا سکے۔ انہوں نے تمام فریقین پر زور دیا کہ وہ ہٹ دھرمی چھوڑ کر امن اور مفاہمت کا راستہ اختیار کریں۔