سانحہ گل پلازہ: عدالتی کمیشن کی رپورٹ عام کرنے کی درخواست مسترد، سندھ انفارمیشن کمیشن کا تحریری فیصلہ جاری

سندھ انفارمیشن کمیشن نے سانحہ گل پلازہ سے متعلق عدالتی کمیشن کی رپورٹ کو عام کرنے کے لیے دائر کی گئی درخواست کو مسترد کر دیا ہے۔ اس حوالے سے سندھ انفارمیشن کمیشن نے اپنا باضابطہ تحریری فیصلہ بھی جاری کر دیا ہے، جس میں چیف سیکرٹری سندھ کا موقف بھی شامل کیا گیا ہے۔

یہ درخواست متحدہ قومی موومنٹ (ایم کیو ایم) کے رہنما فاروق ستار کی جانب سے جمع کرائی گئی تھی، جس میں سانحہ گل پلازہ کی عدالتی کمیشن کی رپورٹ کو عوام کے لیے عام کرنے کی استدعا کی گئی تھی۔ تاہم، کمیشن نے فیصلے میں واضح کیا کہ واقعے کی مکمل تحقیقات، انکوائری اور عمل درآمد کا عمل اس وقت جاری ہے، لہٰذا اس مرحلے پر جوڈیشل کمیشن کی رپورٹ کو پبلک نہیں کیا جا سکتا۔ رپورٹ کو تحقیقات کا عمل مکمل ہونے کے بعد ہی منظر عام پر لایا جائے گا۔