امریکا میں گرین کارڈ درخواستوں پر کارروائی معطل، 2 لاکھ 33 ہزار ویزوں کا ازسرنو جائزہ

ٹرمپ انتظامیہ نے بائیڈن دور میں جمع کروائی گئی گرین کارڈ کی درخواستوں پر کارروائی روک دی ہے۔

غیر ملکی میڈیا کے مطابق امریکی حکومت نے 2 لاکھ 33 ہزار تارکین وطن کے ویزوں کا ازسرنو جائزہ لینے کا فیصلہ کیا ہے۔ رپورٹ کے مطابق مطلوبہ معیار پر پورا نہ اترنے والے تارکین وطن کے ویزے منسوخ بھی کیے جاسکتے ہیں۔ حکومت نے اس جائزہ عمل کی تکمیل تک 2021 کے بعد جمع ہونے والی تمام گرین کارڈ درخواستوں پر کارروائی معطل کر دی ہے۔

امریکی حکام کا کہنا ہے کہ ویزوں کی جانچ پڑتال کا مقصد سیکیورٹی اور امیگریشن پالیسیوں سے مطابقت کو یقینی بنانا ہے، جس کے بعد ہی فیصلہ کیا جائے گا کہ کن درخواست دہندگان کو امریکہ میں مستقل رہائش دی جائے گی۔