پاکستان، امریکہ کے درمیان دیرینہ تعلقات کو مزید مستحکم کرنیکی ضرورت ہے: گورنر سندھ

گورنر سندھ نے کراچی میں قائم امریکی قونصل خانے کی جانب سے امریکہ کے 250 ویں یومِ آزادی کے موقع پر منعقدہ تقریب میں بطور مہمانِ خصوصی شرکت کرتے ہوئے پاکستان اور امریکہ کے مابین دیرینہ تعلقات کو مضبوط بنانے پر زور دیا ہے۔ تقریب کے دوران گفتگو کرتے ہوئے انہوں نے امریکی حکومت اور عوام کو یومِ آزادی کی مبارکباد پیش کی اور اس بات کا اعادہ کیا کہ دونوں ممالک کے مابین دوطرفہ تعلقات باہمی احترام، مشترکہ مفادات اور عوام کے درمیان مضبوط روابط پر استوار ہیں۔

انہوں نے واضح کیا کہ پاکستان اور امریکہ کے پاس تجارت، معیشت، سرمایہ کاری، تعلیم اور ٹیکنالوجی کے شعبوں میں تعاون کو وسعت دینے کے متعدد مواقع موجود ہیں، جن سے فائدہ اٹھا کر ان تعلقات کو نئے دائرہ کار تک پہنچایا جا سکتا ہے۔ اس موقع پر اسپیکر سندھ اسمبلی اور امریکی قونصل جنرل نے بھی خطاب کیا اور دونوں نے دوطرفہ روابط کو مزید گہرا کرنے پر اتفاق کیا۔ تقریب میں مختلف ممالک کے سفارتی نمائندگان، اعلیٰ سرکاری حکام اور تمام مکاتبِ فکر کی نامور شخصیات نے بڑی تعداد میں شرکت کی۔