پاکستان میں فی تولہ سونا 7 ہزار 700 روپے مہنگا

عالمی اور مقامی گولڈ مارکیٹس میں سونے کی قیمتوں میں نمایاں اضافہ دیکھا گیا ہے، جس کے بعد پاکستان میں فی تولہ سونا 7 ہزار 700 روپے مہنگا ہوکر 4 لاکھ 36 ہزار 562 روپے کی نئی سطح پر پہنچ گیا۔

آل پاکستان جیمز اینڈ صرافہ ایسوسی ایشن کے مطابق 10 گرام سونا بھی 6 ہزار 601 روپے اضافے کے بعد 3 لاکھ 74 ہزار 281 روپے کا ہوگیا ہے۔عالمی مارکیٹ میں بھی سونے کی قیمتوں میں ابھار دیکھا گیا، جہاں فی اونس سونا 77 ڈالر بڑھ کر 4 ہزار 142 ڈالر کا ہوگیا۔

ماہرین کے مطابق عالمی معاشی غیر یقینی صورتحال، کرنسی مارکیٹ میں اتار چڑھاؤ اور سرمایہ کاروں کے محفوظ سرمایہ کاری کی جانب رجحان کے باعث سونے کی قیمتوں میں اضافہ جاری ہے۔