عالمی منڈی میں تیل کی قیمتوں میں 2 ڈالرز سے زائد اضافہ

عالمی منڈی میں امریکی خام تیل کے ذخائر میں غیر متوقع کمی کے باعث خام تیل کی قیمتوں میں 2 ڈالرز سے زائد فی بیرل کا نمایاں اضافہ ریکارڈ کیا گیا ہے۔ غیر ملکی خبر رساں ادارے کے مطابق واشنگٹن اور تہران کے درمیان کشیدگی میں کمی سے آنے والے عارضی استحکام کے بعد تازہ تجارتی سیشن میں برینٹ خام تیل کی قیمت 2.71 ڈالرز یعنی 3.2 فیصد اضافے کے ساتھ 86.80 ڈالرز فی بیرل تک پہنچ گئی۔ اسی طرح امریکی ویسٹ ٹیکساس انٹرمیڈیٹ (WTI) کے فیوچر معاہدے 2.26 ڈالرز یعنی 3.4 فیصد اضافے سے 81.95 ڈالرز فی بیرل پر ٹریڈ ہوتے رہے۔