LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

گل پلازہ سانحہ پر جی ڈی اے کا شدید ردعمل، ذمہ داری سندھ حکومت پر عائد

Web Desk

27 January 2026

گرینڈ ڈیموکریٹک الائنس (جی ڈی اے) نے گل پلازہ سانحہ پر گہرے دکھ اور افسوس کا اظہار کرتے ہوئے اس واقعے کی ذمہ داری سندھ حکومت پر عائد کر دی ہے۔ جی ڈی اے کور کمیٹی کے اجلاس میں کہا گیا کہ سانحہ کی تفصیلات سن کر دل خون کے آنسو روتا ہے۔

جی ڈی اے کے سربراہ پیر پگارا کا کہنا تھا کہ سندھ حکومت کے ادارے نہ تو بروقت آگ بجھا سکے اور نہ ہی پھنسے ہوئے افراد کو نکالنے میں کامیاب ہو سکے، جبکہ اتنے بڑے سانحے کے وقت حکومتی اہلکار مکمل طور پر غائب رہے۔

اجلاس میں مطالبہ کیا گیا کہ متاثرہ دکانداروں اور جاں بحق افراد کے اہل خانہ کو فوری اور مناسب معاوضہ دیا جائے۔

جی ڈی اے نے جعلی انتخابات کے خلاف 8 فروری کو احتجاج کا اعلان کرتے ہوئے کہا کہ سندھ بھر کے ضلعی ہیڈ کوارٹرز میں پریس کلبوں کے سامنے پُرامن احتجاج کیا جائے گا۔ اجلاس میں کہا گیا کہ عام انتخابات ملکی تاریخ کے متنازع ترین انتخابات تھے جن میں انتخابی دھاندلی کے ذریعے عوامی مینڈیٹ کو مسخ کیا گیا۔

کور کمیٹی نے مؤقف اختیار کیا کہ دھاندلی کے نتیجے میں بننے والی اسمبلیاں عوام کی حقیقی نمائندہ نہیں اور ایسی اسمبلیوں کی جانب سے کی گئی ہر قانون سازی ناقابل قبول ہوگی۔

جی ڈی اے قیادت نے سندھ کی تقسیم سے متعلق بیانات کو پاکستان کے لیے ناقابلِ تلافی نقصان قرار دیتے ہوئے کہا کہ ملک اس وقت شدید سیاسی، آئینی اور معاشی بحران کا شکار ہے جبکہ آئین کی خلاف ورزی اور انسانی حقوق کی پامالی تشویشناک صورتحال اختیار کر چکی ہے۔

اجلاس میں کہا گیا کہ اٹھارویں ترمیم کی روح کو شدید نقصان پہنچایا گیا ہے اور پیپلز پارٹی کی بدنیتی کے باعث صوبائی فنانس کمیشن تاحال قائم نہیں ہو سکا۔

جی ڈی اے نے سندھ بھر میں عوامی رابطہ مہم جاری رکھنے اور جمہوری و پُرامن جدوجہد کے ذریعے عوامی حقوق کے دفاع کے عزم کا اظہار کیا۔ قیادت کا کہنا تھا کہ سندھ کے وسائل، زمین اور اختیار پر کسی قسم کا سمجھوتہ نہیں کیا جائے گا۔

اجلاس میں زرعی بحران پر بھی تشویش ظاہر کی گئی اور کہا گیا کہ کسانوں کو ان کی پیداوار کی مکمل قیمت نہیں مل رہی، خصوصاً چاول، گنا اور کپاس کے کاشتکار شدید مشکلات کا شکار ہیں۔ جی ڈی اے نے گندم کی امدادی قیمت کے فوری اعلان کا مطالبہ کیا۔

مزید کہا گیا کہ سندھ میں امن و امان کی صورتحال تشویشناک ہو چکی ہے، اغواء، ڈکیتی اور منشیات فروشی میں اضافہ ناقابل قبول ہے جبکہ سندھ حکومت کی مجموعی کارکردگی صفر کے برابر ہے۔