خلیجی ممالک کی مدینہ منورہ میں حوثی ڈرون حملے کی شدید مذمت

خلیجی تعاون کونسل (GCC) کے رکن ممالک اور دیگر عرب ریاستوں نے مدینہ منورہ کے ‘طیبہ گرڈ اسٹیشن’ پر حوثی ملیشیا کے ڈرون حملے کی شدید الفاظ میں مذمت کرتے ہوئے مملکتِ سعودی عرب سے کامل یکجہتی کا اظہار کیا ہے۔ خلیج تعاون کونسل کے سیکرٹری جنرل جاسم محمد البدیوی نے اپنے مذمتی بیان میں کہا کہ مسجدِ نبوی صلی اللہ علیہ وآلہ وسلم کو بجلی فراہم کرنے والے شہری بنیادی ڈھانچے کو نشانہ بنانا ایک سنگین اور ناقابلِ برداشت اشتعال انگیزی ہے۔

میڈیا رپورٹس کے مطابق متحدہ عرب امارات (UAE)، بحرین اور کویت نے مشترکہ طور پر اس حملے کو سعودی عرب کی سلامتی، خودمختاری اور بین الاقوامی قوانین کی کھلی خلاف ورزی قرار دیا ہے۔ بحرین کی حکومت نے اقوام متحدہ کی سلامتی کونسل سے حوثی باغیوں کی مسلسل جارحیت کے خلاف سخت ترین اقدام اٹھانے کا مطالبات کیا ہے، جبکہ اردن نے بھی سعودی عرب کی علاقائی سالمیت اور سیکیورٹی کے دفاع کے لیے اپنی مکمل حمایت کا اعلان کیا ہے