پیٹرول اور ڈیزل سستا، حکومت نے نئی قیمتوں کا نوٹیفکیشن جاری کر دیا

اسلام آباد: حکومت نے پیٹرولیم مصنوعات کی قیمتوں میں کمی کا اعلان کر دیا ہے، جس کا باضابطہ نوٹیفکیشن پیٹرولیم ڈویژن نے جاری کر دیا۔

نوٹیفکیشن کے مطابق پیٹرول کی قیمت میں 2 روپے کمی کی گئی ہے جس کے بعد نئی قیمت 263 روپے 45 پیسے فی لٹر مقرر کر دی گئی۔ اسی طرح ہائی اسپیڈ ڈیزل 4 روپے 79 پیسے سستا ہو کر 279 روپے 64 پیسے فی لٹر ہو گیا ہے۔

حکومتی اعلامیے کے مطابق پیٹرولیم مصنوعات کی قیمتوں میں کمی کا اطلاق آج رات 12 بجے سے ہو جائے گا۔