عرب ممالک نے ٹرمپ کو ایران پر حملہ نہ کرنے پررضامند کرلیا، فرانسیسی میڈیاکا دعویٰ

فرانسیسی خبر ایجنسی نے دعویٰ کیا ہے کہ عرب ممالک نے ٹرمپ کو ایران پر حملہ نہ کرنے پر آمادہ کرلیا ہے۔فرانسیسی خبر ایجنسی کے مطابق سعودی حکام نے بتایا کہ سعودی عرب، قطر اور عمان نے ممکنہ حملہ رکوانے کیلئے آخری لمحات میں بھرپور سفارتی کوششیں کیں جس پر امریکی صدر ڈونلڈ ٹرمپ ایران کو ایک موقع پر دینے پر رضا مند ہوگئے۔ اس سے قبل ایرانی وزیر خارجہ عراقچی  نے سعودی ہم منصب سے ٹیلی فونک گفتگو میں کہا تھا کہ علاقائی ممالک کے اندرونی معاملات میں غیر ملکی مداخلت کی عالمی سطح پر مذمت ضروری ہے۔ایرانی وزیر خارجہ نے کہا کہ ایران میں امن و امان بحال ہو چکا ہے، لوگوں کو پھانسی کی سزائیں دینے کا سوال ہی پیدا نہیں ہوتا۔۔