فرانس میں صدارتی انتخابات کے شیڈول کا اعلان، پہلا مرحلہ 18 اپریل اور دوسرا 2 مئی 2027 کو ہوگا

فرانس میں آئندہ ہونے والے صدارتی انتخابات کے شیڈول کا باضابطہ اعلان کر دیا گیا ہے، جس کے تحت انتخابی عمل دو مرحلوں پر مشتمل ہوگا۔ فرانسیسی حکومت کے مطابق صدارتی انتخابات کا پہلا مرحلہ اتوار، 18 اپریل 2027 کو جبکہ دوسرا اور فیصلہ کن مرحلہ اتوار، 2 مئی 2027 کو منعقد ہوگا۔ ان تاریخوں کی باضابطہ منظوری آج بروز بدھ، یکم جولائی 2026 کو ہونے والے کابینہ کے اجلاس میں دی جائے گی۔ فرانسیسی آئین کے آرٹیکل 7 کے تحت انتخابات کا انعقاد صدر کی آئینی مدت ختم ہونے سے 20 سے 35 دن پہلے کرانا لازمی ہے، اور موجودہ صدر ایمانوئل میکرون کی مدتِ صدارت 14 مئی 2027 کو ختم ہو رہی ہے۔ انتخابی شیڈول سامنے آنے کے بعد فرانسیسی سیاسی حلقوں میں انتخابی مہم اور سرگرمیوں میں تیزی آنے کا امکان ہے۔