ایران امریکا جنگ میں دنیا پاکستان کے شاندار ثالثی کردار کی معترف

ایران امریکا جنگ بندی سمیت عالمی تنازعات کے خاتمے کے لیے دنیا نے ایک بار پھر پاکستان کے کلیدی کردار کو تسلیم کر لیا ہے۔ عالمی جریدے Foreign Affairs نے ایران امریکا تباہ کن جنگ کے خاتمے اور امن کے قیام پر پاکستان کو اہم ضامن قرار دیتے ہوئے لکھا ہے کہ 7 اپریل کو امریکی ڈیڈ لائن کے آخری لمحے میں فیلڈ مارشل سید عاصم منیر کے کلیدی سفارتی رابطوں اور قیادت نے ایک بڑے عالمی بحران کو ٹال دیا۔ جریدے کے مطابق پاکستان نے اس خطرناک صورتحال میں وہ کر دکھایا جو چین، فرانس، جرمنی اور دیگر بڑی طاقتیں بھی نہ کر سکیں۔ تجزیے میں مزید کہا گیا کہ پاکستان ایک بڑی عالمی طاقت کے طور پر ابھر کر سامنے آیا ہے اور اگر امریکا مہنگی جنگوں سے دور رہنا چاہتا ہے تو اسے پاکستان جیسے بااثر ممالک کے ساتھ قریبی اور مضبوط تعلقات استوار رکھنا ہوں گے۔