LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

فوڈ ایگ پاکستان 2025 کا شاندار آغاز عالمی سطح پر ریکارڈ شرکت

Web Desk

25 November 2025

کراچی: فوڈ ایگ پاکستان 2025 کے تیسرے ایڈیشن کا آغاز شاندار انداز میں ہوا، جس میں پاکستان اور دنیا بھر سے زرعی و فوڈ سیکٹر کی کمپنیوں، خریداروں اور کاروباری وفود نے بھرپور شرکت کی۔

ایونٹ میں 370 سے زائد پاکستانی کمپنیوں نے شرکت کی، جنہوں نے ایگری ٹیک، ڈیری، سی فوڈ، گوشت، چاول، بیوریجز، کنفیکشنری، مصالحہ جات، خشک میوہ جات اور دیگر فوڈ پروڈکٹس کی نمائش کی۔

اس سال 80 سے زائد ممالک کے 850 سے زیادہ بین الاقوامی خریدار شریک ہوئے، جن میں چین، ترکی، یورپ، مشرقِ وسطیٰ، سری لنکا، برطانیہ، انڈونیشیا، امریکہ اور آسٹریلیا کے بڑے گروپس شامل تھے۔

تقریب کا افتتاح وفاقی وزیرِ تجارت جام کمال نے کیا، جبکہ ٹی ڈی اے پی کے اعلیٰ حکام، سفیروں اور کاروباری نمائندوں نے بھی شرکت کی۔ پاکستانی وفود نے قطر، چین، اٹلی اور سری لنکا کے نمائندوں سے دو طرفہ تجارت بڑھانے پر بات چیت کی۔

پاکستانی ریگولیٹری اداروں نے مختلف عالمی اداروں سے سرٹیفیکیشن، کوالٹی، فوڈ سیفٹی اور زرعی برآمدات میں تعاون پر اہم ملاقاتیں کیں۔

ایونٹ میں ویلیو ایڈڈ پراڈکٹس، چاول میں افلاٹوکسین، اور عالمی فوڈ اسٹینڈرڈز پر اہم سیمینار بھی منعقد کیے گئے، جبکہ گلوبل کوزین شو میں بین الاقوامی شيفز نے پاکستانی اجزاء سے بین الاقوامی ڈشز تیار کر کے زائرین کو متاثر کیا۔

 

فوری اعداد و شمار کے مطابق دنیا بھر کے خریداروں نے چاول، مصالحے، شہد، سی فوڈ، منجمد خوراک، پھل، سبزیوں اور پروسیسڈ فوڈز میں گہری دلچسپی ظاہر کی ہے۔

فوڈ ایگ پاکستان 2025 نے پاکستان کو خطے میں ابھرتے ہوئے فوڈ و ایگریکلچر ٹریڈ ہب کے طور پر نمایاں کر دیا ہے، اور اس ایونٹ سے برآمدات میں مضبوط اضافے کی توقع کی جا رہی ہے۔