فن لینڈ کا ایک بار پھر پاکستان میں سفارت خانہ بند کرنے کا فیصلہ

فن لینڈ نے آپریشنل اور اسٹریٹیجک وجوہات کی بنیاد پر پاکستان میں اپنا سفارت خانہ دوبارہ بند کرنے کا اعلان کر دیا ہے۔ فن لینڈ کی وزارتِ خارجہ کے مطابق اسلام آباد، کابل اور ینگون میں موجود سفارتی مشنز 2026ء میں باضابطہ طور پر بند کر دیے جائیں گے۔

وزارت کا کہنا ہے کہ پاکستان، افغانستان اور میانمار کے ساتھ محدود تجارتی و اقتصادی تعلقات اور ان ممالک کی سیاسی صورتحال میں تبدیلیوں کو مدِنظر رکھتے ہوئے یہ فیصلہ کیا گیا۔

فن لینڈ کی وزارتِ خارجہ کے مطابق بجٹ میں کمی کے باعث پاکستان میں فن لینڈ کا سفارتی مشن 2012 میں بھی معطل کر دیا گیا تھا، تاہم اسے 2022 میں دوبارہ فعال کیا گیا تھا۔