LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ

انویسٹ پاک پورٹل کا افتتاح، حکومت سرمایہ کاروں کو ہر ممکن سہولیات دینے کیلئے پُرعزم

Web Desk

6 July 2026

وفاقی وزیرِ خزانہ محمد اورنگزیب نے ملک میں بیرونی اور مقامی سرمایہ کاری کو فروغ دینے کے لیے ایک جدید ڈیجیٹل پلیٹ فارم ‘انویسٹ پاک’ پورٹل کا باقاعدہ افتتاح کر دیا ہے اور کہا ہے کہ حکومت سرمایہ کاروں کو ہر ممکن سہولیات فراہم کرنے کے لیے پُرعزم ہے۔

انویسٹ پاک پورٹل کے افتتاح کی پروقار تقریب سے خطاب کرتے ہوئے وزیرِ خزانہ محمد اورنگزیب نے کامیاب آغاز پر گورنر اسٹیٹ بینک جمیل احمد کو مبارکباد پیش کی۔ انہوں نے کہا کہ یہ پورٹل پاکستان میں سرمایہ کاری کے ایک نئے دور کا آغاز ہے جس کا بنیادی مقصد ملک میں غیر ملکی سرمایہ کاری کی راہ ہموار کرنا اور سرمایہ کاروں کے لیے آسانیاں پیدا کرنا ہے۔

 وزیرِ خزانہ نے ڈیجیٹل سرمایہ کاری کی تفصیلات بتاتے ہوئے انکشاف کیا کہ ‘جاز کیش’ ایپ کے ذریعے اب محض 5 ہزار روپے سے بھی انوسٹمنٹ شروع کی جا سکتی ہے۔ انفرادی طور پر کی جانے والی یہ چھوٹے پیمانے کی انوسٹمنٹ عوامی سطح پر انتہائی فائدہ مند ثابت ہوگی۔ انہوں نے بتایا کہ پاکستان اسٹاک مارکیٹ میں بھی سرمایہ کاری کرنے والوں کی تعداد میں مسلسل اضافہ ہو رہا ہے، اور حکومت کی خصوصی کوشش ہے کہ نوجوانوں، خاص طور پر ‘جین زی’ (Gen Z) کو سرمایہ کاری کی جانب راغب کیا جائے۔ ان کا کہنا تھا کہ معاشی ترقی کے لیے نجی شعبے (Private Sector) کا کردار انتہائی اہمیت کا حامل ہے۔

گورنر اسٹیٹ بینک قبل ازیں تقریب سے خطاب کرتے ہوئے گورنر اسٹیٹ بینک جمیل احمد کا کہنا تھا کہ ملک میں سرمایہ کاری کے فروغ کے لیے مؤثر اور ٹھوس اقدامات کیے جا رہے ہیں اور یہ پورٹل ڈیجیٹل سرمایہ کاری میں اہم کردار ادا کرے گا۔

انہوں نے واضح کیا کہ ملک معاشی استحکام کی طرف گامزن ہے اور انوسٹ پاک پورٹل کی ‘ون ونڈو’ سہولت سے سرمایہ کاری کے تمام مراحل تیز رفتار ہو جائیں گے۔ اس جدید ڈیجیٹل نظام کی بدولت کاروباری نظام میں شفافیت اور سرمایہ کاروں کے لیے سہولت میں نمایاں اضافہ ہوگا۔