آئی ایم ایف پروگرام، این ایف سی اور پانڈا بانڈ پر پیش رفت، وزیر خزانہ محمد اورنگزیب

وفاقی وزیر خزانہ محمد اورنگزیب نے میڈیا سے غیر رسمی گفتگو میں کہا ہے کہ آئی ایم ایف کے ساتھ پروگرام کے تیسرے جائزے پر بات چیت رواں ماہ کے آخر میں متوقع ہے۔ انہوں نے بتایا کہ حکومت آئی ایم ایف کو ایکسٹرنل فنانسنگ سے متعلق ایک جامع پلان دے چکی ہے اور اسی پلان پر قائم ہے۔

وزیر خزانہ کے مطابق این ایف سی ایوارڈ پر بات چیت جاری ہے اور جیسے ہی این ایف سی کی ٹیکنیکل کمیٹی کے اجلاس مکمل ہوں گے، باضابطہ اجلاس طلب کیا جا سکتا ہے۔

محمد اورنگزیب نے واضح کیا کہ متحدہ عرب امارات کے 3 ارب ڈالر بدستور پاکستان کے پاس موجود ہیں۔ اس کے علاوہ انہوں نے بتایا کہ چین کے ساتھ پانڈا بانڈ کا اجرا چین میں سالانہ تعطیلات کے بعد کیا جائے گا۔