وفاقی وزیر خزانہ محمد اورنگزیب کی آئی ایم ایف کی اعلیٰ قیادت سے ملاقاتیں، اقتصادی اصلاحات پر اطمینان کا اظہار
Web Desk
23 July 2026
وفاقی وزیر خزانہ و محصولات سینیٹر محمد اورنگزیب نے بین الاقوامی مالیاتی فنڈ (آئی ایم ایف) کی سینئر انتظامیہ سے اہم اور علیحدہ علیحدہ ملاقاتیں کیں، جن میں پاکستان کی معاشی صورتحال اور جاری اصلاحاتی ایجنڈے کا تفصیلی جائزہ لیا گیا۔
وزیر خزانہ نے آئی ایم ایف کے فرسٹ ڈپٹی منیجنگ ڈائریکٹر ڈین کٹز، ڈپٹی منیجنگ ڈائریکٹر نائجل کلارک، مشرق وسطیٰ و وسطی ایشیا شعبے کے ڈائریکٹر جہاد ازور اور پاکستان کے لیے مشن چیف ایوا پیٹرووا سے ملاقاتیں کیں۔ ان نشستوں میں پاکستان کی میکرواکنامک صورتحال، ایکسٹینڈڈ فنڈ فیسلٹی (EFF)، ریزیلیئنس اینڈ سسٹینبیلٹی فیسلٹی (RSF) اور فنڈ کے تحت جاری پروگراموں میں پیش رفت پر سیر حاصل گفتگو کی گئی۔
ملاقاتوں کے دوران سینیٹر محمد اورنگزیب نے پاکستان کی مستحکم ہوتی مالی صورتحال، بیرونی ادائیگیوں میں توازن، محصولات کے اہداف کے حصول، مضبوط زرمبادلہ کے ذخائر، ریکارڈ ترسیلاتِ زر اور کرنٹ اکاؤنٹ کی بہتر صورتحال کو خصوصی طور پر اجاگر کیا۔ اس کے علاوہ ٹیکس و توانائی کے شعبے میں اصلاحات، نجکاری، ٹیرف ریشنلائزیشن، قرضوں کے بہتر انتظام اور بین الاقوامی کیپٹل مارکیٹوں میں پاکستان کی واپسی پر بھی بات چیت ہوئی۔
فریقین نے ہیومن کیپیٹل ڈویلپمنٹ، خواتین کی معاشی شراکت داری، آبادی کے چیلنجز، ٹیکنالوجی پر مبنی ترقی اور نجی شعبے کی قیادت میں برآمدات بڑھانے کے عزم کا اظہار کیا۔ وزیر خزانہ نے اصلاحاتی ایجنڈے پر یکسوئی سے عمل درآمد کے اعتراف پر آئی ایم ایف کا شکریہ ادا کیا جبکہ حکومت پاکستان کی جانب سے مالیاتی نظم و ضبط اور طویل المدتی اقتصادی تبدیلی کے عزم کا اعادہ بھی کیا۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026