خزانہ کمیٹی کا ٹیکس نظام میں لیکجز اور کرپشن پر ان کیمرہ اجلاس بلانے کا فیصلہ

اسلام آباد: قومی اسمبلی کی خزانہ کمیٹی نے ٹیکس نظام میں لیکجز اور کرپشن کے معاملے پر ان کیمرہ اجلاس بلانے کا فیصلہ کر لیا ہے۔

اجلاس کے دوران چیئرمین ایف بی آر راشد لنگڑیال نے ٹیکس نظام میں موجود کرپشن اور لیکجز پر ان کیمرہ بریفنگ دینے کی تجویز پیش کی۔چیئرمین خزانہ کمیٹی نے کہا کہ ان کیمرہ بریفنگ اس لیے ضروری ہے تاکہ یہ بتایا جا سکے کہ بڑے اور بااثر لوگ ٹیکس نظام کے ساتھ کیا کر رہے ہیں۔چیئرمین ایف بی آر نے اجلاس کو بتایا کہ سپر ٹیکس کیس گزشتہ چار سال سے زیر التوا ہے اور اس معاملے میں پیچیدگیاں موجود ہیں۔اس موقع پر سینیٹر عبدالقادر نے ریمارکس دیے کہ”ٹیکس ضرور لیا جائے، مگر ایسا نہ ہو کہ کلہاڑا چلا کر گردنیں اڑا دی جائیں۔”چیئرمین ایف بی آر راشد لنگڑیال نے کمیٹی کو یقین دہانی کراتے ہوئے کہا کہ”بے فکر ہو جائیں، کسی کے ساتھ زیادتی نہیں ہوگی۔”خزانہ کمیٹی کے مطابق ان کیمرہ اجلاس میں ٹیکس نظام کی خامیوں، اصلاحات اور ذمہ دار عناصر سے متعلق تفصیلی بریفنگ لی جائے گی۔