ایف بی آر کا مینول انکم ٹیکس فائلرز کے لیے خصوصی سہولیات کا اعلان

فیڈرل بورڈ آف ریونیو (ایف بی آر) نے پاکستان بھر میں ٹیکس سسٹم کی مکمل ڈیجیٹلائزیشن کے تحت مینول انکم ٹیکس فائلرز کے لیے خصوصی سہولیات فراہم کرنے کا اعلان کر دیا۔
ایف بی آر کے مطابق تمام ٹیکس دفاتر میں خصوصی سیل قائم کیے جا رہے ہیں جو مینول ریٹرن فائل کرنے والے ٹیکس دہندگان کو تمام ضروری معاونت مفت فراہم کریں گے۔مینول ٹیکس دہندگان کو رجسٹریشن اور آن لائن ریٹرن فائلنگ میں مکمل رہنمائی کے لیے متعلقہ ٹیکس دفاتر سے رجوع کرنے کی ہدایت کی گئی ہے۔
ایف بی آر کا کہنا ہے کہ اگر کسی ٹیکس دہندہ کو قانونی مدد درکار ہو تو فیلڈ دفاتر یہ سہولت بھی مفت فراہم کریں گے۔مینول ٹیکس فائلرز کے لیے ریٹرن فائلنگ کی آخری تاریخ میں 30 نومبر 2025 تک توسیع کر دی گئی ہے۔ایف بی آر کے ترجمان کے مطابق ادارہ ڈیجیٹل، شفاف اور مؤثر ٹیکس نظام کے فروغ اور ٹیکس دہندگان کی سہولت کے لیے پرعزم ہے