LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

نواز، شہباز غلامی قبول کرتے ہیں تو انہیں مبارک، ہم غلامی قبول نہیں کریں گے، مولانا فضل الرحمان

Web Desk

23 January 2026

سلام آباد میں پارلیمنٹ کے مشترکہ اجلاس کے دوران جمعیت علمائے اسلام (ف) کے سربراہ مولانا فضل الرحمان نے حکومت کی جانب سے منظور کی گئی قانون سازی کو غیر اسلامی قرار دیتے ہوئے شدید احتجاج ریکارڈ کروایا۔

مولانا فضل الرحمان نے کہا کہ ایسی قانون سازی کو اسلامی نظریاتی کونسل کو بھیجا جانا چاہیے تھا، مگر حکومت نے ان کا مطالبہ نہیں مانا۔ ان کا کہنا تھا کہ اگر ملک کے نام سے “اسلامی” لفظ ہی نکال دیا جائے تو پھر ایسی قانون سازی قابلِ فہم ہو سکتی ہے، لیکن اسلامی جمہوریہ پاکستان میں غیر اسلامی قوانین قبول نہیں۔

انہوں نے اعلان کیا کہ وہ ایسے قوانین کو نہ مانیں گے اور ان کی خلاف ورزی کریں گے، حتیٰ کہ 18 سال سے کم عمر افراد کی شادیاں بھی کروائیں گے اور دیکھیں گے کہ حکومت کیا اقدام کرتی ہے۔

مولانا فضل الرحمان نے کہا کہ ایسے قوانین عموماً اقوام متحدہ اور عالمی اداروں کی خواہش پر بنائے جاتے ہیں جو ملک کی اسلامی شناخت کے خلاف ہیں۔ انہوں نے عائلی قوانین میں کی گئی ترامیم کو بھی غیر اسلامی قرار دیا۔

خطاب کے دوران مولانا فضل الرحمان نے عالمی امور پر بھی گفتگو کی اور کہا کہ ڈونلڈ ٹرمپ اسرائیل کی جارحیت کو تقویت دے رہا ہے، حماس کو دھمکیاں دی جا رہی ہیں، جبکہ افغانستان، عراق اور لیبیا کو تباہ کیا جا چکا ہے۔ انہوں نے خدشہ ظاہر کیا کہ ایران پر حملے کے بعد اسرائیل خطے میں مزید آگے بڑھے گا۔

انہوں نے کہا کہ پاکستان کو ایسے عالمی فورمز میں شرکت نہیں کرنی چاہیے جہاں آغاز ہی دھمکیوں سے ہو، اور سوال اٹھایا کہ اگر اسرائیل کے ساتھ تعلقات جائز ہیں تو پھر پاکستانی پاسپورٹ پر اسرائیل جانے کی پابندی کیوں ہے؟

مولانا فضل الرحمان نے وزیراعظم پر بھی تنقید کرتے ہوئے کہا کہ پارلیمنٹ اور کابینہ کو اعتماد میں نہیں لیا گیا، اور واضح کیا کہ جس طرح وہ ماضی میں فوجی آمر کے خلاف نکلے تھے، اسی طرح موجودہ حکمرانوں کے خلاف بھی نکل سکتے ہیں۔