یورپی کمشنر نے اسرائیلی حملوں کو جنگ بندی کی خلاف ورزی قرار دیدیا

یورپی یونین کے ایک کمشنر نے اسرائیلی حملوں کو غزہ میں طے شدہ جنگ بندی کی خلاف ورزی قرار دیتے ہوئے سخت مذمت کی ہے۔ یورپی کمشنر نے سماجی رابطے کی ویب سائٹ ایکس (سابقہ ٹوئٹر) پر جاری بیان میں کہا کہ اسرائیل کی جانب سے جنگ بندی کی خلاف ورزیاں تشویشناک ہیں۔

بیان میں کہا گیا کہ بین الاقوامی انسانی قوانین کا احترام ہر صورت یقینی بنایا جانا چاہیے اور شہری آبادی کو نشانہ بنانا کسی بھی صورت قابل قبول نہیں۔

یورپی کمشنر برائے مساوات نے مزید کہا کہ شہریوں کا تحفظ ہر جگہ اور ہر وقت یقینی بنایا جانا عالمی ذمہ داری ہے، اور تمام فریقین کو بین الاقوامی قوانین کی پاسداری کرنی چاہیے۔