اسحاق ڈار کامیاب سفارتی دورے مکمل کرکے وطن واپس پہنچ گئے

نائب وزیراعظم و وزیر خارجہ سینیٹر اسحاق ڈار فلپائن اور کرغزستان کے کامیاب سفارتی دورے مکمل کر کے اسلام آباد واپس پہنچ گئے ہیں۔ ترجمان دفتر خارجہ کے مطابق وزیر خارجہ نے فلپائن میں آسیان (ASEAN) ریجنل فورم جبکہ کرغزستان میں شنگھائی تعاون تنظیم (SCO) کے وزرائے خارجہ اجلاس میں پاکستان کی نمائندگی کی۔ دوروں کے دوران اسحاق ڈار نے مختلف ہم منصبوں سے اہم دوطرفہ ملاقاتیں کی، جن میں تجارت، سرمایہ کاری، علاقائی روابط اور باہمی تعاون کو فروغ دینے پر تبادلہ خیال کیا گیا۔ دفتر خارجہ کا کہنا ہے کہ پاکستان نے دونوں اہم علاقائی فورمز پر اپنی فعال سفارت کاری کے عزم کا اعادہ کیا ہے۔