ایران کو معاہدہ کرنا ہوگا، ورنہ امریکا جلد معاملہ نمٹا دےگا، ڈونلڈٹرمپ

امریکی صدر ڈونلڈ ٹرمپ نے دوٹوک انداز میں خبردار کیا ہے کہ ایران کو امریکا کے ساتھ کسی معاہدے پر رضامند ہونا ہوگا، ورنہ امریکا اس معاملے کو بہت جلد اور سخت طریقے سے اپنے انجام تک پہنچا دے گا۔

غیر ملکی میڈیا سے گفتگو کرتے ہوئے امریکی صدر ڈونلڈ ٹرمپ کا کہنا تھا کہ ایران کے خلاف امریکا اور اسرائیل کی ممکنہ یا جاری کشمکش اور جنگ بہت جلد اپنے انجام کو پہنچ جائے گی، اور یہ معاملہ دوسرے طریقوں سے جلد نپٹا لیا جائے گا۔ صدر ٹرمپ نے اس عزم کا اظہار کیا کہ وہ خطے میں بے گناہ لوگوں کی قیمتی جانیں بچانے کی بھرپور کوشش کرنا چاہتے ہیں، تاہم ایک مرحلے پر امن کے قیام یا صورتحال کو سنبھالنے کے لیے سخت عسکری کارروائی کرنا ناگزیر ہو جاتی ہے۔ انہوں نے واضح کیا کہ واشنگتن اس معاملے پر مزید تاخیر کا متحمل نہیں ہو سکتا، لہٰذا تہران کو ہوش کے ناخن لیتے ہوئے سفارتی معاہدے کا راستہ اپنانا ہوگا۔