ڈیرہ بگٹی: 100 سے زائد فراریوں نے سرنڈر کر کے ہتھیار ڈال دیے

ڈیرہ بگٹی میں پاکستان ہاؤس سوئی میں بی آر اے کے سب سے بڑے کمانڈر وڈیرہ نور علی چاکرانی نے اپنے 100 سے زائد فراری ساتھیوں کے ہمراہ سرنڈر کر کے ہتھیار ڈال دیے۔ میرافتاب بگٹی کی موجودگی میں ان سے پاکستان سے وفاداری کا حلف بھی لیا گیا۔

ریاست کے سامنے ہتھیار ڈالنے کا یہ فیصلہ نہ صرف ایک مثبت پیش رفت ہے بلکہ ان کے قومی اداروں پر اعتماد اور حبِ الوطنی کے جذبے کا مظہر بھی ہے۔ ان کا یہ اقدام امن و ترقی کے لیے کردار ادا کرنے کے عزم کی عکاسی کرتا ہے اور قابلِ تعریف ہے۔

ساتھ ہی، جو افراد پہاڑوں کی جانب فرار ہو گئے ہیں، ان سے بھی دل کی گہرائیوں سے اپیل کی گئی ہے کہ وہ واپس آئیں اور استحکام، ترقی اور ہم آہنگی کی راہ میں شامل ہوں۔ ان کے بچوں اور آنے والی نسلوں کا مستقبل امن سے وابستہ ہے، نہ کہ مزاحمت سے۔

یہ 100 سے زائد گمراہ افراد کے ریاست کی آغوش میں واپس آ کر ہتھیار ڈالنے کا فیصلہ نہ صرف خوش آئند ہے بلکہ ڈیرہ بگٹی کے ہر گھرانے کے لیے امید کی نئی کرن ہے۔ ان کا یہ قدم ہمت، سمجھ داری اور وطن سے محبت کی علامت ہے۔

جس طرح امن و ہم آہنگی سب کے لیے فائدہ مند ہے، اسی طرح یہ اپیل بھی کی گئی ہے کہ پہاڑوں میں موجود افراد واپس آئیں اور اپنے گھروں کو لوٹ آئیں تاکہ ان کے بچے خوف سے پاک زندگی گزار سکیں۔ ڈیرہ بگٹی کی ترقی تبھی