نائب وزیراعظم اسحاق ڈار سے سعودی سفیر نواف بن سعید المالکی کی ملاقات

ترجمان دفترِ خارجہ کے مطابق، پاکستان کے نائب وزیراعظم اور وزیر خارجہ سیکٹر اسحاق ڈار سے سعودی عرب کے سفیر نواف بن سعید المالکی نے ایک اہم ملاقات کی، جس میں خطے کی تازہ ترین صورتحال اور باہمی دلچسپی کے امور پر تفصیلی تبادلہ خیال کیا گیا۔ ملاقات کے دوران دونوں رہنماؤں نے علاقائی امن و استحکام کے لیے مذاکرات اور سفارتکاری کو فروغ دینے پر اتفاق کیا، جبکہ پاکستان اور سعودی عرب نے اپنی مشترکہ سفارتی کوششوں کو مزید مضبوط بنانے کے عزم کا اعادہ کیا۔ نائب وزیراعظم اور سعودی سفیر نے دونوں ممالک کے مابین دیرینہ اور برادرانہ تعلقات کو مزید مستحکم کرنے پر زور دیتے ہوئے تمام شعبوں میں باہمی تعاون کو وسعت دینے پر اتفاق کیا۔ اسحاق ڈار کا کہنا تھا کہ پاکستان اور سعودی عرب کے تعلقات کی جڑیں انتہائی گہری ہیں اور خطے میں پائیدار امن کے فروغ کے لیے دونوں ممالک کا مشترکہ کردار کلیدی اہمیت کا حامل ہے، جس کے لیے پاکستان سفارتی شراکت داری کو مزید آگے بڑھانے کے لیے پرعزم ہے۔