نئی دہلی میں ہاسٹل کی عمارت منہدم، 3 افراد ہلاک، 50 سے زائد ملبے تلے دب گئے

بھارتی دارالحکومت نئی دہلی کے علاقے ستیا نکیتن میں ایک خستہ حال پانچ منزلہ ہاسٹل کی عمارت زمین بوس ہو گئی، جس کے نتیجے میں کم از کم 3 افراد ہلاک اور متعدد زخمی ہو گئے ہیں۔ بھارتی میڈیا کے مطابق منہدم ہونے والی 50 سال پرانی عمارت میں زیادہ تر طلبا بطور ‘پےئنگ گیسٹ’ رہائش پذیر تھے، اور ملبے تلے 25 سے 30 بچوں سمیت 50 سے زائد افراد کے دبے ہونے کا خدشہ ظاہر کیا جا رہا ہے۔ ریسکیو اور این ڈی آر ایف (NDRF) کی ٹیموں نے بھاری مشینری اور امدادی اہلکاروں کی مدد سے کارروائی کرتے ہوئے 9 افراد کو ملبے سے نکال کر فوری طور پر اسپتال منتقل کر دیا ہے۔ متاثرین کے اہل خانہ اور مقامی رہائشیوں نے الزام عائد کیا ہے کہ عمارت کی بنیادوں میں تعمیراتی کام اور انتظامیہ کی عدم توجہی اس حادثے کا باعث بنی۔ حادثے کے بعد انتظامیہ نے خطرے کے پیشِ نظر ملحقہ عمارت کو بھی فوری طور پر خالی کرا لیا ہے