دہلی ایئرپورٹ بڑے حادثے کا خطرہ ٹل گیا، افغان پائلٹ کا طیارہ غلط رن وے پر لینڈ
Web Desk
24 November 2025
نئی دہلی: دہلی کے اندرا گاندھی ایئرپورٹ پر ایک بڑا حادثہ اس وقت ٹل گیا جب آریانا افغان ایئرلائنز کا طیارہ غلط رن وے پر اتر گیا۔ کابل سے آنے والا یہ طیارہ اُس رن وے پر لینڈ کر گیا جو صرف ٹیک آف کے لیے مختص تھا۔
بھارتی میڈیا کے مطابق لینڈنگ کے وقت خوش قسمتی سے اس رن وے سے کوئی طیارہ اُڑان کی تیاری میں موجود نہیں تھا، جس کے باعث ممکنہ سانحہ ٹل گیا۔
بھارتی ایوی ایشن حکام نے واقعے کی تحقیقات شروع کر دی ہیں۔ ابتدائی انکوائری کے مطابق ائیر ٹریفک کنٹرول کی ہدایات میں کوئی غلطی نہیں تھی اور پائلٹ کو درست رن وے پر لینڈنگ کی ہدایت ہی جاری کی گئی تھی۔
بھارتی ایوی ایشن کے ایک اہلکار کے مطابق افغان پائلٹ عبدالمعروف سکندری سے پوچھ گچھ کی گئی تو انہوں نے واقعے کی ذمہ داری تکنیکی خرابی اور حدِ نگاہ میں کمی پر ڈال دی۔ کاک پٹ عملے کا کہنا ہے کہ غلطی کا احساس اُسی وقت ہوا جب طیارہ رن وے کو چھو چکا تھا۔
یاد رہے کہ پاکستان کے ساتھ زمینی راستے بند ہونے کے بعد طالبان حکام بھارت کے ساتھ فضائی راہداری کے استعمال کو بڑھانے کی کوشش کر رہے ہیں۔ اسی سلسلے میں افغان نائب وزیراعظم برائے اقتصادی امور ملا عبدالغنی برادر نے تاجروں کو تجارت کے لیے متبادل راستے اختیار کرنے کی ہدایت کی ہے۔ آریانا افغان ایئرلائنز بھارت سے درآمد و برآمد کیلئے کرائے میں کمی کا اعلان بھی کر چکی ہے۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026