وزیراعظم محمد شہباز شریف سے امریکہ میں مقیم پاکستانی نژاد ڈاکٹرز کے وفد کی ملاقات

اسلام آباد میں وزیرِ اعظم محمد شہباز شریف سے امریکہ میں مقیم پاکستانی نژاد ڈاکٹرز کے وفد نے ملاقات کی۔ وفد نے پاکستان کے شعبہ صحت کی ترقی کے لیے وزیرِ اعظم کی قیادت اور اقدامات کو سراہا اور پاکستان میں سرمایہ کاری میں گہری دلچسپی کا اظہار کیا۔
وزیرِ اعظم نے اقتصادی امور ڈویژن کو ہدایت کی کہ پاکستان میں شعبہ طب میں امریکی پاکستانی فزیشنز کی متوقع سرمایہ کاری کے سلسلے میں درپیش مسائل کے حل کے لیے جامع اقدامات کئے جائیں۔ وزیراعظم نے ڈاکٹرز کے وفد کے ساتھ مل کر صحت کے شعبے میں سرمایہ کاری کا ایک قابلِ عمل روڈ میپ تیار کر کے پیش کرنے کی بھی ہدایت دی۔
وفد کی قیادت ڈاکٹر سمیر شفیع نے کی جبکہ ڈاکٹر جواد شاہ، ڈاکٹر تجمل حسین، ڈاکٹر نعمان حیدر اور معروف سماجی شخصیت رانا زاہد امیر بھی اس موقع پر موجود تھے۔ ملاقات میں چیئرمین وزیرِ اعظم یوتھ پروگرام رانا مشہود احمد خان اور ڈاکٹر سعید اختر نے بھی شرکت کی۔