وفاقی آئینی عدالت: وزیراعلیٰ سہیل آفریدی کیخلاف دائر درخواستیں سماعت کیلئے مقرر

وفاقی آئینی عدالت نے خیبرپختونخوا کے وزیراعلیٰ سہیل آفریدی کے خلاف بانی پی ٹی آئی رہائی فورس اور صوبے میں 9 مئی کے مقدمات واپس لینے کے فیصلے کے خلاف دائر درخواستیں 29 جولائی کو سماعت کے لیے مقرر کر دی ہیں۔ چیف جسٹس آئینی عدالت امین الدین خان کی سربراہی میں قائم 3 رکنی بینچ ان کیسز کی سماعت کرے گا۔ عدالت نے خیبرپختونخوا حکومت سمیت تمام متعلقہ فریقین کو نوٹسز جاری کر دیے ہیں، جبکہ 9 مئی کے مقدمات کی واپسی پر حکم امتناع برقرار ہے۔ واضح رہے کہ ریڈیو پاکستان نے پشاور حملے کا کیس واپس لینے کے حکومتی فیصلے کو چیلنج کرتے ہوئے مقدمہ خیبرپختونخوا سے منتقل کرنے کی استدعا کر رکھی ہے۔